Seguenos en Facebook!
Seguenos en twitter!
Páxina en construción

Vacaloura

Santuario Animal

Veganismo. Qué é?

Aínda que teña pernas, patas, plumas ou escamas, ninguén quere estar encerrado, ninguén quere ser humillado, ninguén quere ser dominado, e ninguén quere ser torturado.

Salva vidas, faite vegan@!

Quén somos?

O santuario animal Vacaloura, situado en Santiago de Compostela, naceu no 2013 para acoller animais de todas as especies, sempre e cando se lles poda dar unha vida digna, e para difundir o antiespecismo e o veganismo.


Actualmente, viven máis de 30 animais no santuario de diferentes especies (coell@s, porc@s, galiñas, galos, unha pata, unha egua, un burro, ovellas, etc...).


Moitos dos habitantes de Vacaloura deixan atrás historias de maltrato, de explotación e de abandono. En Vacaloura lóitase para que os animais recuperen a saúde, a tranquilidade e poidan vivir en paz. 

* Qué é un santuario animal?


Un santuario animal é un lugar onde animais de diferentes especies poden levar a vida que lles corresponde en tanto individuos sentintes e con intereses propios; un lugar libre de especismo, de maltrato e de explotación, onde as súas diferentes necesidades son cubertas. Nos 
santuarios, respéctase aos individuos que nel habitan e intenta dárselles a mellor vida posible.

 

No Santuario Vacaloura, ademais de velar por unha vida digna para os animais que aquí viven, tamén temos como obxectivo difundir o antiespecismo e o veganismo, para acadar unha sociedade máis respectuosa cos animais non humanos.

Ser vegan@ non equivale a amar aos animais, senón a respectalos, así como a recoñecer que teñen unha serie de dereitos básicos e, de maneira ideal, a aplicar o principio ético de igualdade.

A raza, o sexo, a especie, a intelixencia ou a orientación sexual son trazos irrelevantes dun individuo e, segundo o principio ético de igualdade, deben ser tratados coma tais á hora de valorar os seus intereses.

“Os animais existen no mundo polas súas propias razóns. Non foron feitos para o ser humano, da mesma maneira que as persoas negras non foron feitas para as brancas, nin as mulleres para os homes.”  Alice Walker.

Na imaxe podedes ver a Inés, unha das habitantes humanas do Santuario, rodeada de amigos: Giusseppe, Hadriam, Susana e Eloi.